ప్ర : జి .ఎస్ . టి . ఎన్ (GSTN Provisional ID) ప్రొవిజినల్ ఐ . డి .ని గుర్తు పెట్టు కోవడం ఎలా ?

ప్ర : జి .ఎస్ . టి . ఎన్  (GSTN  Provisional ID) ప్రొవిజినల్  ఐ . డి .  ని  గుర్తు పెట్టు కోవడం  ఎలా ?

జ :  జి .ఎస్ . టి . ఎన్  (GSTN  Provisional ID) ప్రొవిజినల్  ఐ . డి . గుర్తు పెట్టు కోవడం  చాలా  సులువు .  ముందుగా  ఆ నెంబర్ ఎలా  తయారయ్యిందో  విశ్లేషిస్తే  మనకు  ఆ  ఐ . డి . గుర్తు పెట్టుకోవడం  చాలా  సులువు  అవుతుంది . 

ప్రతి ,  జి .ఎస్ . టి . ఎన్  (GSTN  Provisional ID) ప్రొవిజినల్  ఐ . డి . లో  15 నెంబర్లు  ఉంటాయి. అవును  కదా .  అందులో  మొదటి  2 నెంబర్లు  రాష్ట్రానికి  సంబందించినవి .  ఉదా : తెలంగాణా రాష్ట్రానికి  కోడ్  ' 36 ' .  ఇది  వ్యాట్ (VAT) లో  కూడా  ఉంది , మనకు తెలుసు . 

ఆ తరువాత వచ్చే  10 నెంబర్లు  , ఆ  కంపెనీ యొక్క  పాన్   నెంబర్  (PAN NUMBER) . ఇదీ మనకు  తెలుసు .  ఇప్పటికి  12 నెంబర్లు తెలుసుకున్నాం . ఇక  13 వ  నెంబర్  '1' . ఇది పాన్  ని తెలియ జేస్తుంది .  ఉదా :   రామ్ & కో  కంపెనీ  హైదరాబాద్ లో  'జి ఎస్ టి ' లో   రిజిస్టర్డు అయ్యింది .  ఇక్కడి అడ్డ్రస్ తోటే  పాన్   నెంబర్  (PAN NUMBER) తీసుకున్నారు . హైదరాబాద్ తెలంగాణా రాష్ట్రానికి చెందినదే . కాబట్టి  , రామ్ & కో  కంపెనీ  కి 13 వ నెంబర్  '1' . అదే గుజరాత్ రాష్ట్రం లో  పాన్   నెంబర్  (PAN NUMBER) తీసుకుని , హైదరాబాద్ లో  'జి ఎస్ టి ' లో  రిజిస్టర్డు  అవుతే  , ఆ 13 వ  నెంబర్ వేరే గా  ఉంటుంది . ఇక్కడి వరకు  పూర్తిగా  అర్ధమయ్యే ఉంటుంది  అనుకుంటాను . 

ఇక  14 వ  నెంబర్  ' Z ' . అన్నిటి కి  కామన్  గా తీసుకున్నారు . 

చివరిగా  15  వ నెంబర్  ఏదైనా  ఆంగ్ల  అక్షరం  ఉండ వచ్చు .  ఉదా : A లేదా   B లేదా  C  లేదా .....Z ఏదైనా  ఉండ వచ్చు  .  కాబట్టి  కేవలం ఆ  ఒక్క  15 వ అక్షరం గుర్తు పెట్టుకుంటే , మీకు  15 నెంబర్ల   జి .ఎస్ . టి . ఎన్  (GSTN  Provisional ID) ప్రొవిజినల్  ఐ . డి .  సులువుగా గుర్తుకు  ఉన్నట్లే  కదా . 

మరిన్ని  సులువైన  పద్దతుల కొరకు వేచి చూడండి . 

మార్గం కృష్ణ మూర్తి .,